Published on Thu, 12/01/2011
കോഴിക്കോട്: ദാറുല്‍ ഹുദാ സ്റ്റുഡന്‍റ്സ് യൂനിയന്‍െറ (ഡി.എസ്.യു) ആഭിമുഖ്യത്തില്‍ ടി. അബ്ദുസ്സമദ് വാണിയമ്പലം രചിച്ച ‘വ്യാജ മുടി ഒരു പോസ്റ്റ്മോര്‍ട്ടം റിപ്പോര്‍ട്ട്’ എന്ന പുസ്തകം കോഴിക്കോട് ഖാദി മുഹമ്മദ്കോയ ജമലുലൈ്ളലി തങ്ങള്‍ പ്രകാശനം ചെയ്തു.മുസ്തഫഹാജി ചെറിയക്കാട് പുസ്തകം ഏറ്റുവാങ്ങി. സംഘടനാപരമായ പക്ഷപാതിത്വമില്ലാതെ സ്വതന്ത്രാന്വേഷണമാണ് രചനയെന്ന് ഗ്രന്ഥകാരന്‍ ടി. അബ്ദുസ്സമദ് വാണിയമ്പലം വാര്‍ത്താസമ്മേളനത്തില്‍ പറഞ്ഞു. വ്യാജ കേശാവതരണത്തിലൂടെ പ്രവാചകനെ നിന്ദിക്കുന്നിടത്തുവരെ എത്തി.മുടി പ്രവാചകന്‍േറതെന്നു തെളിയിക്കുന്ന കൈമാറ്റ ശൃംഖല (സനദ്) ഹാജരാക്കാന്‍ കാന്തപുരം വിഭാഗത്തിനായില്ല. ആത്മീയ കച്ചവടത്തിനെതിരെ പ്രക്ഷോഭവും പ്രതിരോധവും തുടരും. സമസ്ത 85ാം വാര്‍ഷിക ഉപഹാരം കൂടിയാണീ ഗ്രന്ഥം.സയ്യിദ് മുഹ്സിന്‍ കുറുമ്പത്തൂര്‍, ജാബിര്‍ തൃക്കരിപ്പൂര്‍, റഷീദ് ഏലംകുളം, സുഹൈല്‍ വിളയില്‍, നൈസാം കുറ്റിപ്പുറം, ആഫ്താബ് കാസര്‍കോട് എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
0 comments:
Post a Comment
ഇത് വായിച്ചു തീര്‍ന്നപ്പോള്‍ എന്താണ് നിങ്ങളുടെ മനസ്സില്‍ തോന്നുന്നത്. അത് ഇവിടെ കൂറിച്ചിടൂ...അനുകൂലമായാലും പ്രതികൂലമായാലും...