Published on Mon, 04/25/2011 - 23:47 ( 3 days 8 hours ago)
മുംബൈ: സായിബാബക്കുവേണ്ടി പ്രാര്‍ഥിക്കാനുള്ള ക്രിക്കറ്റ് ഇതിഹാസം സചിന്‍ ടെണ്ടുല്‍കറുടെ നടപടിയെ അപഹസിച്ച് വിവാദ ബംഗ്ലാദേശ് എഴുത്തുകാരി തസ്‌ലീമ നസ്‌റീന്‍. പിറന്നാള്‍ ആഘോഷം ഒഴിവാക്കി സായിബാബക്കുവേണ്ടി പ്രാര്‍ഥിക്കാനുള്ള സചിന്റെ തീരുമാനത്തെ തസ്‌ലീമ ട്വിറ്ററിലൂടെയാണ് കളിയാക്കുന്നത്. അദ്ദേഹം മരിച്ചാല്‍ എന്തിനാ ദുഃഖിക്കുന്നത്? 86 വയസ്സായില്ലേ, അതുകൊണ്ട് മരിക്കട്ടെ. സചിന്‍ പ്രാര്‍ഥിക്കുന്നതോര്‍ക്കുമ്പോള്‍ നിരാശ തോന്നുന്നു -ട്വിറ്ററില്‍ അവര്‍ എഴുതി. സത്യസായി ബാബ മരിച്ചു. 2022ലേ താന്‍ മരിക്കൂ എന്നാണദ്ദേഹം പറഞ്ഞിരുന്നത്. പക്ഷേ, നേരത്തേയായിപ്പോയി -ട്വിറ്ററിലെ തസ്‌ലീമയുടെ മറ്റൊരു പരിഹാസം. സായിബാബയോട് വിയോജിപ്പുള്ളവര്‍ വിയോഗവേളയില്‍ ഉയര്‍ത്തിയത് ആരോഗ്യകരമായിരുന്ന വിമര്‍ശമാണെങ്കില്‍ തസ്‌ലീമ സീമകള്‍ ലംഘിച്ച് ട്വിറ്ററില്‍ ഇങ്ങനെ എഴുതി: മുഷ്ടിക്കുള്ളില്‍ എന്നും ലഡുവും രസഗുളയും വരുന്ന പ്രശ്‌നമില്ല. മായാജാലക്കാരനും ചതിയനുമാണ് ബാബയെന്നും അവര്‍ തുറന്നടിക്കുന്നു.
0 comments:
Post a Comment
ഇത് വായിച്ചു തീര്‍ന്നപ്പോള്‍ എന്താണ് നിങ്ങളുടെ മനസ്സില്‍ തോന്നുന്നത്. അത് ഇവിടെ കൂറിച്ചിടൂ...അനുകൂലമായാലും പ്രതികൂലമായാലും...