Fri, 25/02/2011
കാന്തപുരം എ പി അബൂബക്കര്‍ മുസല്യാരുടെ അനുയായികളില്‍ നിന്ന് തനിക്ക് വധഭീഷണിയുള്ളതായി മുതിര്‍ന്ന മാധ്യമപ്രവര്‍ത്തകന്‍ ഒ അബ്ദുള്ളയുടെ പരാതി. കാരന്തൂര്‍ മര്‍ക്കസിലുള്ള മുഹമ്മദ് നബിയുടെ തലമുടിയുമായി ബന്ധപ്പെട്ട് 21ന് തേജസ് ദിനപത്രത്തില്‍ എഴുതിയ ലേഖനം പുറത്തുവന്നതോടെയാണ് തനിക്ക് നിരന്തരം ഭീഷണിയും കൊലവിളിയും ഉണ്ടായതെന്ന് ഒ അബ്ദുള്ള പരാതിപ്പെട്ടു.
കാന്തപുരം സുന്നികളുടെ നിയന്ത്രണത്തിലുള്ള സിറാജ് പത്രത്തില്‍ തന്റെ രണ്ടുകയ്യും വെട്ടണമെന്ന് ഒ എം തരുവണ എന്നയാള്‍ ആഹ്വാനം ചെയ്‌തെന്നും അദ്ദേഹം പറഞ്ഞു. ഇതനുസരിച്ച് മലപ്പുറത്തെ ഒരു യോഗത്തില്‍ തന്റെ കൈവെട്ടണമെന്ന് പ്രസംഗകര്‍ പറഞ്ഞതായും കോഴിക്കോട് ജില്ലയിലെ മുക്കത്ത് തന്റെ കൈവെട്ടണമെന്ന് ആഹ്വാനം ചെയ്ത് ബോര്‍ഡ് സ്ഥാപിച്ചതായും ഒ അബ്ദുള്ള പരാതിപ്പെട്ടു.
ഒ അബ്ദുള്ള കോഴിക്കോട് സിറ്റി പൊലീസ് കമ്മിഷണര്‍ക്കും കോഴിക്കോട് റൂറല്‍ എസ് പിക്കും നല്‍കിയ പരാതിയുടെ പൂര്‍ണരൂപം:
"ഞാന്‍ ഒരു ഫ്രീലാന്‍സ് ജേര്‍ണലിസ്റ്റാണ്. 14 വര്‍ഷം മാധ്യമം ദിനപത്രത്തിന്റെ സ്ഥാപക പത്രാധിപരായിരുന്ന ഞാന്‍ ആനുകാലിക രാഷ്ട്രീയ സാംസ്‌ക്കാരിക സംഭവങ്ങളെ വിലയിരുത്തി ദൃശ്യമാധ്യമങ്ങളിലും ദീപിക, ചന്ദ്രിക, തേജസ് മുതലായ അച്ചടിമാധ്യമങ്ങളിലും ലേഖനങ്ങള്‍ എഴുതുന്നു.
ഇതിന്റെ ഭാഗമായി സുന്നികളിലെ കാന്തപുരം എ പി അബൂബക്കര്‍ മുസ്‌ലിയാരെ പിന്താങ്ങുന്ന വിഭാഗം പ്രവാചകന്റേത് എന്ന് പറഞ്ഞ് ഒരു തലമുടി കൊണ്ടുവന്ന് വെള്ളത്തിലിട്ട് ഭക്തജനങ്ങള്‍ക്കായി വിതരണം ചെയ്യുകയും പ്രസ്തുത വെള്ളം പാമരജനങ്ങള്‍ക്കിടയില്‍ വന്‍തുകയ്ക്ക് ലേലം ചെയ്യുകയും ചെയ്തത് കണ്ടപ്പോള്‍ ഇസ്‌ലാമിക പ്രമാണങ്ങളില്‍നിന്നുകൊണ്ടുതന്നെ പ്രവാചകന്റേത് എന്ന് സുസ്ഥിരിമായി തെളിവുകളുടെ അടിസ്ഥാനത്തില്‍ സ്ഥാപിച്ചെടുക്കപ്പെടാത്തിടത്തോളം സംഭവം സൂക്ഷമതയോടെ കൈകാര്യം ചെയ്യേണ്ടതാണെന്നും മഹാന്‍മാരുടെ ശരീരവിസര്‍ജ്യങ്ങള്‍ മറ്റേതൊരാളുടെയും പോലെ ദൂരെ കളയേണ്ടതാണെന്നും എഴുതി.
21-02-2011 തേജസ്സ് പത്രത്തില്‍ എന്റെ ലേഖനം വന്നതിനെതുടര്‍ന്ന് എ പി വിഭാഗം സുന്നികള്‍ മൊബൈല്‍ഫോണ്‍ വഴിയും ലാന്റ്‌ഫോണ്‍ വഴിയും എന്നെ നിരന്തരം ഭീഷണിപ്പെടുത്തികൊണ്ടിരിക്കുന്നു. എന്നെ ചേകന്നൂര്‍ മൗലവിയെപോലെ കൊന്നുകളയുമെന്നാണ് ഭീഷണി. എന്റെ കാള്‍ ലോഗ് പരിശോധിച്ചാല്‍ മനസ്സിലാകും പ്രകാരം ഒരേ ആള്‍തന്നെ നിരന്തരം ഭീഷണിപ്പെടുത്തുന്നു. ഏറ്റവും ഒടുവില്‍ (24-02-2011) എ പി വിഭാഗത്തിന്റെ മുഖപത്രമായ സിറാജ് ദിനപത്രത്തില്‍ ഒ എം തരുവണ എന്ന ആള്‍ എഴുതിയ ലേഖനത്തില്‍ എന്റെ ഇരുകൈകളും ചുമലില്‍നിന്ന് വെട്ടിമാറ്റാന്‍ ആഹ്വാനം ചെയ്യുന്നു. 'പ്രഫസര്‍ ജോസഫിന്റെ കൈ വെട്ടിയത് നബി തിരുമേനിയുടെ പേരിലാണെങ്കില്‍ ഒ അബ്ദുല്ലയുടെ രണ്ടു കൈകളും തോളത്തുവച്ച് വെട്ടിമാറ്റാന്‍ ഈ ലേഖനത്തില്‍ വകയുണ്ട്...' എന്നാണ് ലേഖകന്‍ എഴുതിയിരിക്കുന്നത്. പ്രസ്തുത ലേഖനത്തിന്റെ കോപ്പി ഇതോടൊപ്പം സമര്‍പ്പിക്കുന്നു. ഒരു കാലത്തും ഒരു എന്‍ ഡി എഫുകാരനായിരുന്നിട്ടില്ലാത്ത എന്നെ എന്‍ ഡി എഫുകാരനായി ചിത്രീകരിച്ചു സ്വഭാവഹത്യ നടത്തുവാനും പത്രം ശ്രമിക്കുന്നു.
ഇതൊരു സാംസ്‌ക്കാരിക ഫാസിസമാണ്. ചേകന്നൂര്‍ മൗലവിയുടെ അനുഭവം ഓര്‍മ്മയുള്ള ഞാനും എന്റെ കുടുംബവും ഭീതിയുടെ നിഴലിലാണ്. അതിനാല്‍ എനിക്കും കുടുംബത്തിനും ആവശ്യമായ സംരക്ഷണം നല്‍കുവാനും കുബുദ്ധികളെ അവരുടെ ഉദ്യമത്തില്‍ നിന്നും പിന്തിരിപ്പിക്കുന്നതിനും ഇന്ത്യന്‍ ഭരണഘടന ഉറപ്പുനല്‍കുന്ന പൗരന്മാരുടെ അഭിപ്രായ സ്വാതന്ത്ര്യം എന്റെ കാര്യത്തിലും പാലിക്കപ്പെടാനും വിനീതമായി അഭ്യര്‍ത്ഥിക്കുന്നു."
25ന് കോഴിക്കോട് പ്രസ്‌ക്ലബില്‍ ഇക്കാര്യത്തെക്കുറിച്ച് വിശദീകരിക്കാന്‍ ഒ അബ്ദുള്ള നടത്തിയ പത്രസമ്മേളനത്തില്‍ വിവാദമായ പ്രശ്‌നത്തെക്കുറിച്ച് വിശദീകരിച്ച കാര്യങ്ങള്‍ ഇവയാണ്.
"തിരുനബിയുടേതെന്ന് പറയുന്ന മുടിയെക്കുറിച്ച് കാന്തപുരം സുന്നികള്‍ നല്‍കുന്ന പരസ്യത്തില്‍ തലമുടിയെന്നോ രോമമെന്നോ പറയാതെ ശഅറേ മുബാറക് എന്ന് പറഞ്ഞത് ഭാഷാപരമായി ശരിയല്ല. ശഅറേ എന്ന അറബിവാക്കിന്റെ അര്‍ഥം തലമുടി എന്നാണെങ്കിലും മുബാറക് എന്ന വാക്കുമായി ചേര്‍ത്തത് ശരിയല്ല. രണ്ടു വാക്കുകള്‍ ചേര്‍ത്ത് പേരുണ്ടാക്കിയതുതന്നെ മുടി എന്ന വാക്ക് ആളുകളുടെ ഇടയില്‍ പറയാന്‍ മടിയുള്ളതിനാലാണ്. ഇത് വിശ്വാസികളുടെ നേരെ നടത്തുന്ന വഞ്ചനയാണ്.
പതിനായിരക്കണക്കിന് ആളുകളുടെ മുന്നില്‍വച്ചാണ് താന്‍ ഇത് (ശഅറേ മുബാറക്) ഏറ്റുവാങ്ങിയത് എന്നാണ് ഇതുമായി ബന്ധപ്പെട്ട ആള്‍ പറയുന്നത്. പ്രവാചകന്റേതുതന്നെയാണ് ഇതെന്ന് എന്താണ് ഉറപ്പ്? വിശ്വാസകരമായ കാര്യങ്ങള്‍ സ്ഥിരീകരിക്കപ്പെടണമെങ്കില്‍ നൂറുശതമാനം വിശ്വസനീയമായ ആളുകളിലൂടെ കടന്നുവരണം. അങ്ങിനെയൊരു അറിവും ഇക്കാര്യത്തില്‍ ഉണ്ടായിട്ടില്ല. ആയതിനാല്‍ നൂറു ശതമാനം അബദ്ധജഡിലമായ കാര്യമാണിത്."
ഒ അബ്ദുള്ളയ്ക്ക് മറ്റൊരു പരാതികൂടിയുണ്ട്. എല്ലാത്തിനും പ്രതികരിക്കുന്ന കേരളത്തിലെ സാംസ്‌കാരിക നായകന്മാര്‍ ഇക്കാര്യത്തില്‍ ഒരക്ഷരം പ്രതികരിക്കാത്തതില്‍ അദ്ദേഹത്തിന് വിഷമമുണ്ട്. മകരജ്യോതിയുടെ പിന്നാലെ പോകുന്നവര്‍ക്ക് എന്താണ് ഇതൊരു വിഷയമാകാത്തതെന്നും അബ്ദുള്ള ചോദിക്കുന്നു. മതനിന്ദയുടെ പേരില്‍ അധ്യാപകന്റെ കൈ വെട്ടിമാറ്റിയതിനോട് തനിക്ക് യോജിപ്പില്ലെന്നും അക്കാര്യം നേരത്തെതന്നെ ലേഖനത്തിലൂടെ പ്രഖ്യാപിച്ചതാണെന്നും അദ്ദേഹം വ്യക്തമാക്കി.
കാന്തപുരം എ പി അബൂബക്കര്‍ മുസല്യാരുടെ അനുയായികളില്‍ നിന്ന് തനിക്ക് വധഭീഷണിയുള്ളതായി മുതിര്‍ന്ന മാധ്യമപ്രവര്‍ത്തകന്‍ ഒ അബ്ദുള്ളയുടെ പരാതി. കാരന്തൂര്‍ മര്‍ക്കസിലുള്ള മുഹമ്മദ് നബിയുടെ തലമുടിയുമായി ബന്ധപ്പെട്ട് 21ന് തേജസ് ദിനപത്രത്തില്‍ എഴുതിയ ലേഖനം പുറത്തുവന്നതോടെയാണ് തനിക്ക് നിരന്തരം ഭീഷണിയും കൊലവിളിയും ഉണ്ടായതെന്ന് ഒ അബ്ദുള്ള പരാതിപ്പെട്ടു.
കാന്തപുരം സുന്നികളുടെ നിയന്ത്രണത്തിലുള്ള സിറാജ് പത്രത്തില്‍ തന്റെ രണ്ടുകയ്യും വെട്ടണമെന്ന് ഒ എം തരുവണ എന്നയാള്‍ ആഹ്വാനം ചെയ്‌തെന്നും അദ്ദേഹം പറഞ്ഞു. ഇതനുസരിച്ച് മലപ്പുറത്തെ ഒരു യോഗത്തില്‍ തന്റെ കൈവെട്ടണമെന്ന് പ്രസംഗകര്‍ പറഞ്ഞതായും കോഴിക്കോട് ജില്ലയിലെ മുക്കത്ത് തന്റെ കൈവെട്ടണമെന്ന് ആഹ്വാനം ചെയ്ത് ബോര്‍ഡ് സ്ഥാപിച്ചതായും ഒ അബ്ദുള്ള പരാതിപ്പെട്ടു.
ഒ അബ്ദുള്ള കോഴിക്കോട് സിറ്റി പൊലീസ് കമ്മിഷണര്‍ക്കും കോഴിക്കോട് റൂറല്‍ എസ് പിക്കും നല്‍കിയ പരാതിയുടെ പൂര്‍ണരൂപം:
"ഞാന്‍ ഒരു ഫ്രീലാന്‍സ് ജേര്‍ണലിസ്റ്റാണ്. 14 വര്‍ഷം മാധ്യമം ദിനപത്രത്തിന്റെ സ്ഥാപക പത്രാധിപരായിരുന്ന ഞാന്‍ ആനുകാലിക രാഷ്ട്രീയ സാംസ്‌ക്കാരിക സംഭവങ്ങളെ വിലയിരുത്തി ദൃശ്യമാധ്യമങ്ങളിലും ദീപിക, ചന്ദ്രിക, തേജസ് മുതലായ അച്ചടിമാധ്യമങ്ങളിലും ലേഖനങ്ങള്‍ എഴുതുന്നു.
ഇതിന്റെ ഭാഗമായി സുന്നികളിലെ കാന്തപുരം എ പി അബൂബക്കര്‍ മുസ്‌ലിയാരെ പിന്താങ്ങുന്ന വിഭാഗം പ്രവാചകന്റേത് എന്ന് പറഞ്ഞ് ഒരു തലമുടി കൊണ്ടുവന്ന് വെള്ളത്തിലിട്ട് ഭക്തജനങ്ങള്‍ക്കായി വിതരണം ചെയ്യുകയും പ്രസ്തുത വെള്ളം പാമരജനങ്ങള്‍ക്കിടയില്‍ വന്‍തുകയ്ക്ക് ലേലം ചെയ്യുകയും ചെയ്തത് കണ്ടപ്പോള്‍ ഇസ്‌ലാമിക പ്രമാണങ്ങളില്‍നിന്നുകൊണ്ടുതന്നെ പ്രവാചകന്റേത് എന്ന് സുസ്ഥിരിമായി തെളിവുകളുടെ അടിസ്ഥാനത്തില്‍ സ്ഥാപിച്ചെടുക്കപ്പെടാത്തിടത്തോളം സംഭവം സൂക്ഷമതയോടെ കൈകാര്യം ചെയ്യേണ്ടതാണെന്നും മഹാന്‍മാരുടെ ശരീരവിസര്‍ജ്യങ്ങള്‍ മറ്റേതൊരാളുടെയും പോലെ ദൂരെ കളയേണ്ടതാണെന്നും എഴുതി.
21-02-2011 തേജസ്സ് പത്രത്തില്‍ എന്റെ ലേഖനം വന്നതിനെതുടര്‍ന്ന് എ പി വിഭാഗം സുന്നികള്‍ മൊബൈല്‍ഫോണ്‍ വഴിയും ലാന്റ്‌ഫോണ്‍ വഴിയും എന്നെ നിരന്തരം ഭീഷണിപ്പെടുത്തികൊണ്ടിരിക്കുന്നു. എന്നെ ചേകന്നൂര്‍ മൗലവിയെപോലെ കൊന്നുകളയുമെന്നാണ് ഭീഷണി. എന്റെ കാള്‍ ലോഗ് പരിശോധിച്ചാല്‍ മനസ്സിലാകും പ്രകാരം ഒരേ ആള്‍തന്നെ നിരന്തരം ഭീഷണിപ്പെടുത്തുന്നു. ഏറ്റവും ഒടുവില്‍ (24-02-2011) എ പി വിഭാഗത്തിന്റെ മുഖപത്രമായ സിറാജ് ദിനപത്രത്തില്‍ ഒ എം തരുവണ എന്ന ആള്‍ എഴുതിയ ലേഖനത്തില്‍ എന്റെ ഇരുകൈകളും ചുമലില്‍നിന്ന് വെട്ടിമാറ്റാന്‍ ആഹ്വാനം ചെയ്യുന്നു. 'പ്രഫസര്‍ ജോസഫിന്റെ കൈ വെട്ടിയത് നബി തിരുമേനിയുടെ പേരിലാണെങ്കില്‍ ഒ അബ്ദുല്ലയുടെ രണ്ടു കൈകളും തോളത്തുവച്ച് വെട്ടിമാറ്റാന്‍ ഈ ലേഖനത്തില്‍ വകയുണ്ട്...' എന്നാണ് ലേഖകന്‍ എഴുതിയിരിക്കുന്നത്. പ്രസ്തുത ലേഖനത്തിന്റെ കോപ്പി ഇതോടൊപ്പം സമര്‍പ്പിക്കുന്നു. ഒരു കാലത്തും ഒരു എന്‍ ഡി എഫുകാരനായിരുന്നിട്ടില്ലാത്ത എന്നെ എന്‍ ഡി എഫുകാരനായി ചിത്രീകരിച്ചു സ്വഭാവഹത്യ നടത്തുവാനും പത്രം ശ്രമിക്കുന്നു.
ഇതൊരു സാംസ്‌ക്കാരിക ഫാസിസമാണ്. ചേകന്നൂര്‍ മൗലവിയുടെ അനുഭവം ഓര്‍മ്മയുള്ള ഞാനും എന്റെ കുടുംബവും ഭീതിയുടെ നിഴലിലാണ്. അതിനാല്‍ എനിക്കും കുടുംബത്തിനും ആവശ്യമായ സംരക്ഷണം നല്‍കുവാനും കുബുദ്ധികളെ അവരുടെ ഉദ്യമത്തില്‍ നിന്നും പിന്തിരിപ്പിക്കുന്നതിനും ഇന്ത്യന്‍ ഭരണഘടന ഉറപ്പുനല്‍കുന്ന പൗരന്മാരുടെ അഭിപ്രായ സ്വാതന്ത്ര്യം എന്റെ കാര്യത്തിലും പാലിക്കപ്പെടാനും വിനീതമായി അഭ്യര്‍ത്ഥിക്കുന്നു."
25ന് കോഴിക്കോട് പ്രസ്‌ക്ലബില്‍ ഇക്കാര്യത്തെക്കുറിച്ച് വിശദീകരിക്കാന്‍ ഒ അബ്ദുള്ള നടത്തിയ പത്രസമ്മേളനത്തില്‍ വിവാദമായ പ്രശ്‌നത്തെക്കുറിച്ച് വിശദീകരിച്ച കാര്യങ്ങള്‍ ഇവയാണ്.
"തിരുനബിയുടേതെന്ന് പറയുന്ന മുടിയെക്കുറിച്ച് കാന്തപുരം സുന്നികള്‍ നല്‍കുന്ന പരസ്യത്തില്‍ തലമുടിയെന്നോ രോമമെന്നോ പറയാതെ ശഅറേ മുബാറക് എന്ന് പറഞ്ഞത് ഭാഷാപരമായി ശരിയല്ല. ശഅറേ എന്ന അറബിവാക്കിന്റെ അര്‍ഥം തലമുടി എന്നാണെങ്കിലും മുബാറക് എന്ന വാക്കുമായി ചേര്‍ത്തത് ശരിയല്ല. രണ്ടു വാക്കുകള്‍ ചേര്‍ത്ത് പേരുണ്ടാക്കിയതുതന്നെ മുടി എന്ന വാക്ക് ആളുകളുടെ ഇടയില്‍ പറയാന്‍ മടിയുള്ളതിനാലാണ്. ഇത് വിശ്വാസികളുടെ നേരെ നടത്തുന്ന വഞ്ചനയാണ്.
പതിനായിരക്കണക്കിന് ആളുകളുടെ മുന്നില്‍വച്ചാണ് താന്‍ ഇത് (ശഅറേ മുബാറക്) ഏറ്റുവാങ്ങിയത് എന്നാണ് ഇതുമായി ബന്ധപ്പെട്ട ആള്‍ പറയുന്നത്. പ്രവാചകന്റേതുതന്നെയാണ് ഇതെന്ന് എന്താണ് ഉറപ്പ്? വിശ്വാസകരമായ കാര്യങ്ങള്‍ സ്ഥിരീകരിക്കപ്പെടണമെങ്കില്‍ നൂറുശതമാനം വിശ്വസനീയമായ ആളുകളിലൂടെ കടന്നുവരണം. അങ്ങിനെയൊരു അറിവും ഇക്കാര്യത്തില്‍ ഉണ്ടായിട്ടില്ല. ആയതിനാല്‍ നൂറു ശതമാനം അബദ്ധജഡിലമായ കാര്യമാണിത്."
ഒ അബ്ദുള്ളയ്ക്ക് മറ്റൊരു പരാതികൂടിയുണ്ട്. എല്ലാത്തിനും പ്രതികരിക്കുന്ന കേരളത്തിലെ സാംസ്‌കാരിക നായകന്മാര്‍ ഇക്കാര്യത്തില്‍ ഒരക്ഷരം പ്രതികരിക്കാത്തതില്‍ അദ്ദേഹത്തിന് വിഷമമുണ്ട്. മകരജ്യോതിയുടെ പിന്നാലെ പോകുന്നവര്‍ക്ക് എന്താണ് ഇതൊരു വിഷയമാകാത്തതെന്നും അബ്ദുള്ള ചോദിക്കുന്നു. മതനിന്ദയുടെ പേരില്‍ അധ്യാപകന്റെ കൈ വെട്ടിമാറ്റിയതിനോട് തനിക്ക് യോജിപ്പില്ലെന്നും അക്കാര്യം നേരത്തെതന്നെ ലേഖനത്തിലൂടെ പ്രഖ്യാപിച്ചതാണെന്നും അദ്ദേഹം വ്യക്തമാക്കി.
0 comments:
Post a Comment
ഇത് വായിച്ചു തീര്‍ന്നപ്പോള്‍ എന്താണ് നിങ്ങളുടെ മനസ്സില്‍ തോന്നുന്നത്. അത് ഇവിടെ കൂറിച്ചിടൂ...അനുകൂലമായാലും പ്രതികൂലമായാലും...